الكنافة الناعمة :
الكنافه:
المقادير.
ثلاث كاسات ونص طحين
نص كاسة سميد ناعم
نص كاسة نشا
نص كاسة حليب بودرة
نص كاسة سمنة
نص معلقة كبيرة بكنغ باودر
كاسة ونص ماء بدرجة حرارة المطبخ
براس المعلقة الصغيرة صبغة غذائية صفرة
ان وجدت واذا ما في عادي مو ضروري
للتجهيز بدنا
كيلو جبنة بيضا بلدي
سمنة لدهن السدر
القطر الشيرة
كاستين سكر
كاستين مي
عصرة ليمون
معلقة صغيرة سمنة بلدي.
الطريقة التحضير:
اولآ بخلط كل المواد الجافة مع بعض
وبعدين بفركهم بالسمنة. طبعآ حاولو تكون سمنة زاكة لانو النكهة. بتعتمد على نوع وجودة السمنة اذا سمنة بلدي. بكون روعةالمهم بنفركهم فيها منيح
وبعدين بحط نتوفة صبغ.ة صفرة ع المي وبعجن فيها وبعجنها منيح حتى تتشكل عجين متجانسة متماسكة ويا ريت ما .تتلاعبو بالعيار رح تطلع معك مزبوطة.
بعد 10 دقائق
بس ضلك اعجني لما تصير. معك العجينة كرة كاملة متماسة وبعد هيك .بفردها بصينية عليها ورق زبدة وبدخلها .الفرن على نار هادية
بس تتشمع ما بدنا تاخد. لون بدها تقريبآ من ربع لثلث ساعة وبطلعها وبتركها تبر تمامآ لمدة ساعة ونص لساعتين.
وبعدين بفتركهم وبقسمهم. قطع صغار وبفرمهم ع المحضرة حتى تنطحن ناعم وبعدين بجيب سدر بدهنو بكمية. منيحة سمنة تكون سمنة بحرارة المطبخ ما تكون سائلة بدي تكون طرية ومتماسكة. وبغطي السدر كامل بالسمنة
بعد طبخها
وبعدين بجيب منخل وبنخل وجه ناعم اول شي تكون طبقة بس عشان لما نقلبها تكون الوجة ناعم وبعد هيك برش باقي الفرك بالتساوي بدي تكون طبقة منيحة بحدود ثلاثة.
وبعد هيك بضغطها. مزبوط وبحط فوقها سدر تاني اصغر وبكبس في الفرك
وبعدين بحط فوقها الجبنة. المحلاية وحاولي تكرمي بالجبنة كل ما كانت جبنتها منيحة رح تطع اطيب ورح تحسي بتناسق بين الكنافة والجبنة.
وضعها في الثلاجة
وبعدين بحطها ع الغاز ع نار واطية وببلش الف السدر بحاول اخلي ااطراف السدر ع النار ما بخلي الوسط عشان ما يلدع من النص وبضل ادير بالسدر حتى الاحظ الأطراف تحمرة بمس سكينة وبشيل الجبنة نتفة من النص وبرفع شوي من الكنافة اشوف اذا تحمرة من النص وبعدين برجع ازبط الجبنة مكانها.
فوائد التحمير
وبعدين بس تتحمر بفكفك الاطراف بمعلقة وبعدين بهز السدر هزة بسيطه عشان تفك معك وبعدين اقلبيها بسدر اكبر وشربيها القطر ورشيلها الفستق الحلبي ودوقي اطيب كنافة من تحت دياتك.
القطر الشيرة بحط السكر والمي وبخلي يغلي غلوتين تلات وبعدين بعصر عصرة ليمون وبس غلوة وبحطلها السمنة وبطفي تحتو.
الملاحظات
لازم القطر الشيرة ساخن وخفيف وما يكون معقد والكنافة سخنة. وانتي بتلفي بالسدر ع الغاز اذا لاحظتي الجبنة بخت مي بورق تنشيف المطبخ نشفيها عشان ما تنزل ع العجين ويعجن معك. وبعد ما تخلص قبل ما تقلبيها رشي رشة. من الفرك ع الجبنة رشة بسيطة عشان ما تلزق الجبنة بالسدر .
خاتمة:
اشكرك يا سيدتي على قراءه هذا الموضوع او هذه الوصفه واتمنى ان تجاربها في اقرب وقت ما هي تستحق التجربه لان مذاقها رائع وشكلها رائع جدا فلا تبخلي على عائلتك تحضير هذه الوصفه الجميله البسيطه جدا وصحتين وعافية.